Муовини сармуҳаррир

Наҷмиддинов Асадулло Мирзоевич

Наҷмиддинов Асадулло Мирзоевич хатмкардаи Донишгоҳи миллии Тоҷикистон, факултети физика, кафедраи “Мошинҳои ҳисоббарор, комплексҳо, системаҳо ва шабакаҳо” соли 2009 мебошад. Дар зинаи аспирантура солҳои 2013 – 2016 аз рӯи ихтисоси 05.13.18 – «Моделсозии математикӣ, усулҳои ададӣ ва барномаҳои комплексӣ» шуъбаи рӯзона таҳсил намуда, бо навиштани рисолаи номзади саъйу кӯшиш намудааст. Соли 2017 рисолаи номзадиашро дар мавзӯи «Моделсозии математикии ҳодисаҳои статсионарии ғайрихаттӣ ду-ченакаи назарияи гармигузаронӣ дар муҳитҳои конденсӣ» аз рӯи ихтисоси 05.13.18 – «Моделсозии математикӣ, усулҳои ададӣ ва барномаҳои комплексӣ» дар Шӯрои дифоъи Д.05.16.532 назди Институти автоматика ва технологияҳои информатсионии Академияи илмҳои Ҷумҳурии Қирғизистон ва Донишгоҳи славянии Қирғизистону Русияи шаҳри Бишкек бо муваффақият ҳимоя намудааст.

Хизматҳои ӯ дар пешрафти соҳаи маориф ва илм бо нишони сарисинагии “Аълочии маориф ва илми Тоҷикистон” қадрдонӣ шудааст. Ҳамчун шахси соҳибилм то имрӯз муаллифи зиёда аз 40 мақолаҳои илмӣ, 15 барномаҳои таълимӣ, 4 дастури таълимӣ, 3 васоити таълимӣ, 2 монография ва 2 китоби дарсӣ, ки бо тавсияи мушовараи Вазорати маориф ва илм Ҷумҳурии Тоҷикистон нашр шудаанд.